Samsung Galaxy S9+

 尋晚部Samsung S9+幾個鐘內無晒電，今日部機又怪怪地，不停重新開機，睇怕都命不久矣。

原來呢部機已經陪咗我8年，三星智能電話嚟講，算係極之長壽了。

佢陪咗我好耐，見證住我八年間嘅一切轉變，加上呢部機係我同某人一齊買嘅，如今勞燕分飛，只有呢部手機仍然陪住我。所以佢已經唔係單純係一部手機，而係一個老朋友了。

佢仲經歷過壞底板、丟失、從高空跌落、玻璃全爆嘅可怕經歷，真係同一個人差唔多。

我知你都撐咗好耐，好攰了。係我一直唔肯放手，要你操勞。

今次如果你真係想休息，我唔會再拎你去維修了，你已經做得夠好了，我亦都要學識放下。

想抖就抖啦，我嘅老友。